شوفوا قصتي مع زوجي المسحور وعطوني الحل املي بالله ثم فيكم

السلام عليكم
انا عضوه جديده معكم وابغى تساعدوني انا مسجلة بالمنتدى الا اني عندي امل بمساعدتكم لي
بقولكم مشكلتي انا متزوجه من اربع سنوات وعندين طفلين ولد وبنت والبنت معاقه (لك الحمد
ياربي)المهم زوجي كانت امه خطابه له وحده قبلي وتم معها فتره وتركها لنه مو مقتنع فيها
بعدين تزوجني وحياتنا من اولها مشاكل ومن اول سنه قام يضربني واهو اشتغل قبل زواجنا
بسنه وبعدها ترك شغل المهم وحده جابت لي رقم وقالت لي رقم شيخ كلميه وقولي له عن زوجك
انا على النيه كلمته عن زوجي قالي عطيني اسمه واسم امه (انا طبعا مادري انه ذا سوال ساحر)
فعطيته وقالي زوجك مسحور ومسوى له عمل وعطاني مواصفات وحده وحيل المواصفات منطبقه على
الي خطبوها لها قبل ؛ومررت علينا 3 سنوات واحنا دايم مشاكل واهو مايشتغل وعندي ولد عمره سنتين
وبنت عمرها 5شهورمعاقه ومحتاجه تغذيه والله انه مايقدر يشتري لهم حتى حليب يكسرون خاطري
انا فكرت اني اسجل في شوؤن بس ماراح يغبلون لنه زواجي عمره 27 ولا اهومريض؛المهم جات لي
بعد كم سنه
وحده وعطتني نفس رقم الساحر(وانا صغيره ومالي خبره ماعرفت انه ساحر الا لماقبل اسبوع سئلت وحده )
المهم قالي كل شي قالي زواجك سحرته وحده وعطاني نفس مواصفات
المراه الي قبل مع انه ناسي اتصالي الاول لنه كان قبل سنتين ونص وسكرت من عنده بعد ماقالي
افك السحر واخلي زواجك يصير مثل الخاتم بيدك؛ماعجبني كلامه شلته من بالي ؛وانا زوجي الحين حاله
مايعلم فيها الا الله مايصلي طبعا اهو مايصلي من قبل ومن يجلس يمي كل متملل وكل يتهاوش معاي
على اقل الااشياء ويضربني على اي شي وانا فكرت لو بطلق في عيالي في بنتي المعاقه الي محد
بيتحملها وفي ولدي الي جاته حاله عصبيه بسبب الظروف الي مرينا فيها...
كلمت زوجي يروح لشيخ يقراء عليه ومعارض الفكره بالمره حاولت اقنعه بس مااقدرت لنه شخص حيل
عنيد واذا قال لا مافي امل يقول اي..
انا شكيت حالي لكم لني كلي امل بتساعدوني باي طريقه عشان ارتاح بعد عذاب سنين عشتها معاه..
الله يجزيكم بالجنـــــــــه ياررررررب