معانآتي مع صلآتي !!!

السلام عليكم ورحمة الله وبركاته
~~~
قبل لا أصلي أقول في نفسي خلاص بصلي بخشوع وبركز ومابنشغل
أول ما أبدأ أكبر أحس إني نسيت كل الوعود اللي وعدتها لنفسي
صلاتي سريعه احياناً وأحياناً العكس
أحياناً ما أدري كم ركعه صليت !!
أحياناً ما أدري أش قرأت !!
أوقات أحس إني أقرأ بس مخي ينشغل أقعد أفكر في أشياء والله مأبفكر فيها لو ماكنت أصلي
بعد ما أنتهي من الصلاه أحس بندم وقهر
أقول لنفسي أكيد ربي ماتقبل صلاتي وأحزن وأتضايق بس بعدين أنسى
وربي أتمنى أصلي بخشوع أتمنى أصلي صح أتمنى لما أخلص من صلاتي أحس أن ربي تقبلها

تابعت محاظرات عن الصلاه وشفت برنامج كيف تتلذذ بالصلاه
حسيت نفسي تأثرت , حسيت أني خلاص من لحظة ماسمعت هالمحاظرات إني بصلي صح زي ما أتمنى
بس أول ما أبدأ أصلي كأني بدون عقل !!!!
قهر وربي قهر

أش أسوي ؟؟
وربي ندمانه على كل الصلاه اللي صليتها وحسيتها غلط , نفسي أقدمها أفضل لـ ربي
أنا خوفي أنه يكون قلبي مات وماعاد فيه إيمان .!

حتى أوقات إذا كنت نايمه وصحيت بوقت صلاه أحس أني أتهاون فيها وأتكاسل أقول إذا صحيت أصلي عشان أصليها تمام ألحين أنا نعسانه ومابعرف أش أصلي !!

أوقات أبي أنام بس طبعاً لازم ساعات على الفراش قبل النوم بس أول ماتقرب صلاه أقول حلو بنتظرها فجأه أناام بدون ما أحس وربي إني أوقات أسمع الاذان وخلاص دخلت في النومه أبغى أقوم بس خلاص تخدرت !!

يمكن أحد منكم بيرد علي بقسوه ويحسبني قاصده في تهاوني بالصلاه , لا والله ماودي بكذا انا
بس مدري !

أتمنى أحد يريح قلبي ويقولي كيف أصلي صح , كيف أحس أن ربي قبل صلاتي

أنا أمنية حياااتي أموت وأنا ساجده لـ ربي , بس سرت أقول لنفسي كيف بموت وأنا ساجده وصلاتي غلط
الله يعين

في حفظ الله