تكفون قريت كتاب لسحر من دون قصد

السلام عليكم ورحمه الله وبركاته

تكفون يااهل العلم ابي تساعدوني
بمشكتلي التي تعرضت لها ( بجهل مني ) والله لايسامح الي كان السبب

انا قريت كتاب لسحر من غير قصد جابه لي واحد صاحبي علي اساسه كتاب عادي وكان عنوانه ديني مااذكره الحين بالضبط (فيه جمله جمعها التراب من سنه النبي محمد عليه الصلاه والسلام) وقلت اتثقف ماني ناقص شي

وبالفعل اخذت الكتاب ولنظره الاولي حسبته كتاب لاتشك فيه ايات قرأنيه وطرق علاجيه للامرض واحديث يعني تصفحته علي السريع قلت اخليه عندي كم يوم لما اتفرغ للقرائه وحطيته علي جنب
وبعدين رجع صاحبي بعد ثلاث ايام ( الي جابلي الكتاب) قال تري الكتاب حق ابن عمي ويبغاه بكري ضروري اذ انك خلصت منه قلت خلاص مافي مشكله اجيبه لك بكري وظليت بالاستراحه لليل وقريت منه شي بسيط يعني خمسه او عشر صفحات الي الكتاب ماهو ذاك الديني وتركته ورجع الرجال واخذه ثاني يوم (طبعا دار بينا حديث طويل وتزاعلنا )

وقلت في نفسي انا ماقريت منه شي وبأذن الله ماراح يضرني والله يدري انا وش نيتي

هذا الكلام كان قبل حوالي خمس سنوات
وبعد هذا انقلبت الامور عندي رأساً علي عقب وبشكل تدريجي ماأحسيت ان الكتاب هو السبب إلي قبل ثلاث سنين وقلت يمكن فتره وتعدي واملي بالله كبير
ولاكن الامور زادت حتي اني تركت الناس واعتذرت عن الدراسه بالرغم اني كنت متفوق واصبت بالوهم والمرض وماتت جميع احلامي


ويعلم الله اني للحين صابر واعاني الأمر واتحمل الأمرين وأملي بالله مازال كبير

فهل من طريقه و تعود حياتي كما كانت
او
ارضي بهذا الواقع الأليم

فأرجو ارشادي لاني وصلت الي وضع لايطاق