طرق خبراء النصب والاحتيال في التزوير والتزييف - نصائح مهمة

يا سيدي لا تستبعد أنا أكلت هاي النصبة وانتصب علي بـــ 4000 دينار تقريبآ والتفاصيل وصلتني نفس الرسالة تقريبآ بس انهم أجروا السحب على الايميلات وطلعت الأول على العالم . وطلبوا مني التواصل معهم لاستلام الجائزة( عن طريق شركة اسمها (دياموند). بس كان بدهم بدل الضريبة الجمركية لأنو المصاري طالعة لبرة البلد وفعلا بعثتلهم عن طريق ( وسترن يونون ) التحويلة السريعة وطلبوا مني وبعدها ( بعد يومين من الانتظار ) انه دخلت المبالغ ( دولة ثانية ) وما ظل الا خروجية بــــ 2000 دولار , وبعدها بعثتلهم . ولما صاحب محل الصرافة شافني وأنا رايح راجع بحول للخارج قاللي شكلك بتشتغل برة او الك مصالح , قلتله والله القصة وما فيها ......, قاللي الله يسود وجهك يا بعيد هاظ ناصبين عليك . ولو قلتلي من أول لقلتلك انها نصبة . وقاللي انه لما كان بأمريكا كان في ناس كثير شغلتهم هيك . والله يجزيه كل خير اتصل مع الشركة الام وأوقف جزء من المبالغ ( التي لم تصل لايديهم ) وبعديها رجعلي حوالي 1300 دينار أردني . وقد ما همة قليلين حيا ( النصابين ) ردوا بعثولي نفس الرسالة باقل من يومين .... فدير بالك ياخوي ..

قال صلى الله عليه وسلم ( المؤمن لا يلدغ من جحر واحد مرتين ) .