لماذا يتزوج شبابنا المسلم من الاجنبيات(موضوع للنقاش)

أضحك الله سنك أخي الباحث ...

الزواج بأجنبية .. له أسبابه .. منها ما تفضلتم به من كونها الزيجة أسهل و أقل تكلفة ..
و مثل ما تفضل أخي الخزيمة فيها جانب من تحسين النسل ..

و على موضوع الالتزام والشرف ... يعني إحنا عارفين البير و غطاه بالنسبة لأغلب الأجنبيات .. لكن عالأقل الأمور واضحة ومبينة .. بدك وحدة هاملة هيها على عينك يا تاجر .. وما في داعي عندهم تمثل عليك إنها محترمة .. و بالمقابل المحترمة فيهن برضو بتبين ...

في مجتمعاتنا العربية .. بتروح الشغلة دغ بلغ ... وذ أول دو ريسبكت ... يعني مهما كنت حريص ممكن تنخم و ينضحك عليك و إنت بتضحك و بتلعب زي ما بقولوا .. و مش سهل تحزر على حدا في هذا الزمان الا من رحم ربي ... و تكون هالبنت اللي انتا مراهن عليها أنها أشرف من الشرف و بدك تتنومس بيها .. ممكن تكون وراها تعليلة ... و ما تعرف حضرتك هالشي إلا فيما بعد و تضطر تكمل المشوار إذا أنك كنت متساهل .. و خصوصا إذا كانت الشغلة مش هالقد .. أما إذا كنت زنيدعي و أبو عنتر .. فأكيد رح تفرطها معها ... هذا عدا غلاء تكاليف العرس في مجتمعاتنا ...

بتذكر على سيرة الذكريات صاحب لي طبيب اسنان و شاب محترم متزوج اجنبية ... هو عصبي وهي عصبية ... و بس يتمشكلوا بتولع بكسات .. و لما أحجزهم بوكل نص الضرب .. و من عقلي بصير أقول لهم : يا جماعة صلوا عالنبي .

يعني الشاهد أنه أغلب الأجنبيات ..( مستصحات) ... و بعضهن لو تضرب رجل كف بتحت شعر رأسه ... بعكس هالمسكينات اللي بنتشاطر عليهن ...

فالواحد لازم يقيس عزماته قبل ما يفكر يجوز أجنبية ...