ساعدوني بحالة ابني الغالي جزاكم الله الجنة

السلام عليكم ورحمة الله ...

شكرا جزيلا على هذا المنتدى الرائع جزاكم الله كل خير

ابني له اكثر من اسبوع اذا نام بالليل يصحى يبكي

البداية كانت بعد عزيمة عندي بالبيت انا اعتبرت الموضوع عادي بس صار يتكرر كل ليلة

يصخى يبكي وهو خايف واذا قريت عليه يجلس يتثائب بقوة ثم يرجع ينام

خايفة عليه مدري ايش السبب مع اني اشغل اذاعة القرآن كل ليلة

واذا صحي الصباح اساله يقول مااصحى وبالليل اذا جاء وقت النوم الاحظ انه مايبي ينام

ويحاول يبي ينام عندي



بعد فترة سافرنا واضطريت انه ينام جنبي فصار مايصحى بس رجعنا البيت قبل كم يوم وصحي امس

يبكي ونفس الشي اقرء عليه ويتثاءب ويرجع لنومته


اللي لاحظته وماانساه اول ليلة كان صحي فيها كانت عندي عزيمة عشاء
وقت العزيمة كانت جارتي عندي وهي من النوع اللي مدلل بنتها كثير بس ليلتها ولدي ضرب بنتها وانا كنت مشغولة ماقلتله شي


بس اذكر جارتي راحت من عندي والغضب باين في عيونها فجأة حاولت فيها تجلس مارضيت


ولدي الله يهديه كل شوي على بنتها وانا ليلتها بنتها فتحت مدخل الرجال وانا وقفة ونهرتها لا ارادي وبكت البنت وجات امها وواضح عليها الغضب مع اني حاولت افهمها انه لاارداي لان الرجال كانوا واقفين عند الباب


كلمتها من بكرة واقولها ابني صحي يبكي خايف يمكن احد من الاولاد اللي حضروا ضربوه وصار يتحلم

ردت علي لا ابنك هو اللي ضرب بنتي كثير ولا كلمتيه


ومن يومها مااتصلت علي...



وربي خايفة على ولدي كثير ماادري ليش يصحى يبكي واذا سالته وهو يبكي ليش تبكي مايرد علي او يقولي مادري


الله يجزاكم الجنة ساعدوني...