الى الاخوه الرقاه الرجااااء الدخول للأهميه.. انا وجنية زوجي!!

[align=center]السلام عليكم ورحمة الله وبركاته [/align] [align=center] رمضان مبارك وكل عام وانتم بخير [/align] [align=center]... بااختصر لكم قصتي لاني تعبت وماني عارفه وين الحقيقه انا متزوجه من 9 سنوات ولم ارزق باطفال وكانت بداية حياتي مشاكل مع زوجي لدرجة انه طلقني كذا مره يمكن 4 مرات بس المشايخه حسبوها لنا طلقتين المهم انه من 4 او 5سنوات استخدمة الرقيه وكان زوجي يطيح صريع ولاعرف اتصرف وكنت اموت من الخوف وصرت احط له رقيه مسموعه وبرضو يحضر الجني الي فيه واعرف بانه ينتفض بقوه ولكن لايتكلم ولايتحرك كثير واخليه لين يصحى بس مره تهورت وقريت عليه انا ..وتكلمت الجنيه طبعا قالت انا احبه وداخلته من يوم بلغ وقلتلها اطلعي وعلى اساس انها طلعت منه وصرت اكره اقرى عليه الا ان جاى يوم وقمت على صراخه وكان يسمع رقية الحرق وبعدها بكم ساعه قريت عليه وقام يطلع من خشمه دم وخرج معها قطعة لحم قد حبة القهوه واحس انه يبغى يستفرغ ولكنه مايقدر واحس وانا اضع يدي على ظهره حركه غريبه اثناء الرقيه المهم جبنا شيخ وطلعها اليوم الثاني وهذا الكلام كان من سنتين او3.... ومن 10 ايام قريت عليه وحضرت الجنيه وكلمتها وقالت احبه ونفس كلامها الاول واضافة انا الي متعبتك وانا الي رابطه رحمك ومانعه حملك المهم خليتها لين انصرفت عنه...ومن يومين وهو فالصباح صايم وكان يقراء الاذكار تعب وحس انه بيستفرغ ولكن ماطلع شي مجرد بلغم ويكثر معه البلغم اثناء الرقيه... وبنسبه لي لااذكر اني اتاثر بالرقيه كثير مجرد الم في اسفل الظهر ونغزات فالرحم وضيقه ولكن مره جانا شيخ وقرى علي واول مابدى بايات السحر بكيت بكاء مفاجاء ولااعرف السبب وجتني نفضه بيدي اليمنا واحس مثل الكره ينطط برحمي بشكل سريع واحس اني تضايقت اريد ان اقوم وكل هذا وانا واعيه لكن مااقدر اسيطر على حركاتي...وقبل رمضان ذهبت لامرأه تعالج واعتقد ان معها جن مسلمين لااعلم ولكنها بعد ان قرت علي وكشفت على رحمي قالت انتي وزوجك فيكم سحر وقالت حاجات بس ماصدقتها ولكنها قالت حاجات صحيحه وقالت انتي متبخره بالسحر تذكري انتي ذهبتي لناس في عزيمه وبخروك وبعد التذكر قلت لها فلانه قالت نعم وقالت اشيا كثيره صحيحه عني وعن زوجي وبالفعل لما ذهبت للبيت سالت اختي الي راحت معي العزيمه قلت لها تذكرين هذاك اليوم قالت نعم جو اخذوك الحرمتين من بين الحريم وبخروك في مكان ثاني بعيد عن الحريم وتقول استنكرنا هذي الحركه بس قلنا يمكن فيه احد المعزومات ماتحب البخور المشكله انا لا اتذكر وتقول ان زوجك شربه مرتين.... الحين انا ماادري وش الي فينا هل ممكن الجنيه الي في زوجي تكذب وتقول انها تحبه وهي داخله عن طريق سحر هل صادفكم يارقاه مثل هالحاله يكون سحر والجني يكذب يقول عشق الله يخليكم ريحوني تعبت من التفكير وحبيت اقولكم انه الناس الي شاكه فيهم لما عرفو اني رقيته وتكلمة الي فيه جو من سفر وجابو معهم زيت له خصيصا وهو زيت زيتون معها حاجه سوداء حسب كلامهم شبه سودا وشبه بيضا وحاجه ثالثه لااذكرها ودهنوه بها ومن فتره جابو له مويه يقولون انها موية زمزم ولكن لونها يميل لصفار وليست بجيك ماء الزمزم المعروف وتصرفاتهم كانت مريبه ,, وانا ماابي اظلم احد الظلم ظلمات... واعتذر من الشيخ خالد الجريسي لانه ماقصر عطاني برنامج من كم شهرالله يجزاه خير ولكني لم اتبعه. والله يجزاكم خير لاتطنشوني وربي نفسيتي تعبت.[/align]