ساعدوني بحالة ابني الغالي جزاكم الله الجنة

السلام عليكم ورحمة الله ...

شكرا جزيلا على هذا المنتدى الرائع جزاكم الله كل خير

ابني له اكثر من اسبوع اذا نام بالليل يصحى يبكي

البداية كانت بعد عزيمة عندي بالبيت انا اعتبرت الموضوع عادي بس صار يتكرر كل ليلة

يصخى يبكي وهو خايف واذا قريت عليه يجلس يتثائب بقوة ثم يرجع ينام

خايفة عليه مدري ايش السبب مع اني اشغل اذاعة القرآن كل ليلة

واذا صحي الصباح اساله يقول مااصحى وبالليل اذا جاء وقت النوم الاحظ انه مايبي ينام

ويحاول يبي ينام عندي



بعد فترة سافرنا واضطريت انه ينام جنبي فصار مايصحى بس رجعنا البيت قبل كم يوم وصحي امس

يبكي ونفس الشي اقرء عليه ويتثاءب ويرجع لنومته


اللي لاحظته وماانساه اول ليلة كان صحي فيها كانت عندي عزيمة عشاء
وقت العزيمة كانت جارتي عندي وهي من النوع اللي مدلل بنتها كثير بس ليلتها ولدي ضرب بنتها وانا كنت مشغولة ماقلتله شي


بس اذكر جارتي راحت من عندي والغضب باين في عيونها فجأة حاولت فيها تجلس مارضيت


ولدي الله يهديه كل شوي على بنتها وانا ليلتها بنتها فتحت مدخل الرجال وانا وقفة ونهرتها لا ارادي وبكت البنت وجات امها وواضح عليها الغضب مع اني حاولت افهمها انه لاارداي لان الرجال كانوا واقفين عند الباب


كلمتها من بكرة واقولها ابني صحي يبكي خايف يمكن احد من الاولاد اللي حضروا ضربوه وصار يتحلم

ردت علي لا ابنك هو اللي ضرب بنتي كثير ولا كلمتيه


ومن يومها مااتصلت علي...



وربي خايفة على ولدي كثير ماادري ليش يصحى يبكي واذا سالته وهو يبكي ليش تبكي مايرد علي او يقولي مادري


الله يجزاكم الجنة ساعدوني...

الله أعلم جاته عين يمكن من هذي المرأه ويمكن لا والدليل انه انصاب بعد عزيمه ...ترى أحيان الشقاوه الزايده وكثرة الحركه تسبب العين ... والتثاؤب والبكاء بالليل عن تجربه دليل العين لاأكثر ولا أقل .. وهو يحتاج رقيه عاجلا ..رقية العين والخوف ...هذا ماعندي من علم .... وما اوتيتم من العلم الا قليلا
ذكرتيني بأختي مره ضاعت منا وحنا في سفر وقت الصفره وهي صغيره يمكن عمرها سنتين وصارت سنين تقوم بالليل تبكي ولا تسكت مهما حاولنا لين تتعب وتنام لوحدها والصباح نسألها ليش تبكي تقول ماأدري ولا تحس انها بكت أصلا ....يمكن جلست على هذا الحال سبع سنين ... هذا يدل على انه صابها خوف شديد في هذا الوقت وقت انتشار الشياطين
وبعدين انتي غلطانه ضيفك مفروض مايزعل في بيتك ويمشي زعلان عشان أمور صغار كان هاوشتي ولدك قدامها لو كلام ... هذا ذنب اللي يغلط على الناس أو يرضى بالغلط أحيان تنقلب على رأسه شي عظيم ويقول ياليتني سويت الحل الأسهل وكفيت نفسي هذا كله ...وبعدين صراحه محد يحب ولده ينضرب المدلل وغير المدلل ... ماعليش مجرد نصيحه

قلب الموضوع نصائح اجتماعيه

بسم الله والصلاة والسلام على رسول الله اما بعد فهذا علاج للسحر والعين والشفاء من عند الله العزيز الحكيم وهو ملعقة سدر وملعقة شب وملعقة ملح وتضعيها في وعاء الاستحمام وتقرأعليها بنفسك سورة الفاتحة وسورة الاخلاص والمعوذتين وسورة قريش وآية الكرسي واخر ثلاث آيات من سورة يونس واخر آية من من سورة الاسراء واخر آية من سورة الكهف واي آية كريمة مثل آيات السحرة في سورة طه وسورة يونس وسورة الشعراء وسورة الاعراف التي يذكر فيها مصير المشركين في الدنيا والاخرة ونصرة المؤمنين ثم الادعية النبوية مثل (اللهم رب الناس اذهب البأس اشف انت الشافي لاشفاء الا شفاءك الا شفاءك شفاء لايغادر سقما) وارجو منكم الدعاء

ياقلبي انتبهي لنفسك ولولدك والله يستر من جارتك

انا من رايي انك تكلمينها وتحاولي تضبطي الأمور بينك وبينها

وحاولي تعزمينها قهوة عصريه عشان تاخذي فنجالها وتشربيه ولدك وتغسلي وجهه منه طبعآ من عرفت الدنيا ان

هالشيء له دور في الشفاء جربي ماراح تندمي بس انتبهي لاتعرف

وطبعآ لاتستغني عن الرقيه الشرعيه والله يخليه لك ويشفيه

تحياتي

بسم الله الرحمن الرحيم

أختي الفاضلة الظاهر والله أعلم أن الولد مصاب بعين وهذا يدل عليه التثاؤب

وهذه طريقة سهلة يسيرة والشفاء عند الشافي وهي كالآتي

اقرأي الفاتحة، آية الكرسي، الكافرون، الإخلاص ، الفلق ، الناس، على ماء للغسول والشرب ولا يشرب الولد إلا من الماء المقروء عليه ويغتسل لمدة أسبوع مرة صباحا .
وكذلك تشغل سورة البقرة في الغرفة عند نوم الطفل وإن شاء الله يشفى

واصف عميره
معالج بالقرآن والحجامة
الإمارات
أبوظبي