راحتي الله يعينك ويساعدك
شوفي بقولك شيء انتي حاولي قد ماتقدري لاتقولي اتعب ووماادري ايش
جربي مره وحده انك تستمرين لمدة 40 يوم كل شيء سويه ولايهمك ايش اللي فيك سحر حسد مس عاشق انتي بس اهتمي بنفسك
وبس سورة البقرة يوميا سدر ومويا وزيت مقري فيها ومسك اسود
وكثري من لاحول ولا قوة الابالله والاستغفار وصلي في اخر الليل
استمري ياقلبي بس اربعين يوم صدقيني عالاقل راح يضعف لو شوي
ولاتسمعين له ولاتنامي لوحدك ابدآ ,, وكثري من الدعاء وقراة القران وان شاء الله تتعافين قريب
انتي بس استمري والله ينصرك عليه اصلا انا دارية انك اقوى منه
ابدي من هذا الاسبوع ولمدة اربعين يوم وبعدها خليها اقل شوي
لاتقولي مااقدر هو مايبغاك وهو يقولك ماتقدرين بس انتي اقوى منه
لاتدمري حياتك عشان واحد متخلف جن لا تخافي منه ابدا
بقولك سالفه امس صارت لي امس الصباح رحت لسوق وانا البس قفاز المهم دورت عليه مالقيت الا واحد والثاني ضايع المهم يوم دخلت السوق الا واطلع بيديني واخبيها بعباتي والا مااحس بنفسي الا وانا مطلعتها وتحملت الين ماوصلت البيت واول مادخلت البيت لقيت القفاز حسيت انه قهرني
جاء العصر وجالسه البس عباتي الا واحسه يكلمني كانه يحببني بترك الجونتي اقصد القفاز تخيلي لاشعوريا مسكتها وخبيتها بالدولاب لا وجالسه افكر لو احد سالني بقول ضاعت مادري ليش سويت كذا المهم وان جالسه استنى السواق الا وكاني توني صاحية واقول انا وش فيني لايش بطلع كذا ورحت ولبستها
ولافكرت رغم انه دايم يهدد ويتوعدني لكن جعله يومت وانا ماسمعت كلامه حسبي الله عليه والنعم الوكيل
وشدي حيلك واحنا نساعدك بالي تبين بس جاهدي
والله يوفقك ويحميك ويحفظك
|