28-Sep-2010, 02:59 AM
|
رقم المشاركة : ( 28 )
|
|
عضو جديد
|
باقي القصه....
انا ايام ماكنت ادعي الله برمضان وقيام ليل وصلاة وذكر واستغفار..
شفت رؤية كأن شخص حبوب (( يعني حسيت انه حبوب وطيب)) ولونه ابيض او ملابسه بيضاء ابيض مو ناصع عادي يعني
المهم شفت فالرؤيه انه قاعد ع الارض بمكان جمب السرير من الناحية اللي ينام فيها زوجي وكأنه قاعد يطلع
من تحت البلاط... ورقه كبيره شوي ومرسوم عليها مربعات واشياء مااعرفها او مااتذكرها كثير..
المهم انا قاعده ع الناحية الثانيه من السرير(( مكاني الفعلي في نومي حقيقة)) واعطاني الورقه.. اخذتها وحطيتها جمبي ع طول من غير تدقيق فيها وفرحت ومتشوقه اشووف هالشخص وش عنده بعد..
شوي وطلع لي ورقة ثانيه بس كبيره اكبر من الاولى.. وكانت مصفوطه صفطتين... فتحها هو من عنده وانا في طرف السرير الآخر وقاعده متشوقه بشوف وش داخلها... اول مافتحها شفت فالنص فوق رسمة وجه حصان
باللون الاسود زي الطباعه... وع جوانب الورقه مربعات وارقام وفي جزء من الورقة عليه حبر اسود زي حبر الطباعه اللي يجي من تصوير الاوراق بالطابعه(( فهمتوا))
ومااتذكر اذا اعطاني اياها او لأ وصحيت بعدها ع طول...
طبعا عرفت انه شئ مدفون.... تركت الموضوع فترة من خوفي من دخول غرفتي....
بعدها قررت ارش الغرفة بموية وملح مقري فيهم مثل ماقرأت في المنتديات...
دخلت اول يوم انا وبنتي من خوفي ناديت بنتي احس بالاطمئنان شووي (( ولو اني تندمت كثيررر بعدها)))
اول يوم رشيت كل جناحي كل الزوايا في السرير والغرفه وغرفة الملابس وجزء من حمامي(( اكرمكم الله)) لاني حلمت بشئ في بلاط حمامي برضو... بس البلاط اللي في الجدار في الرف الللي فوق
المهم اكمل موضوع غرفتي.... رشيت اول يوم وطلعت بس احساس خووف شنيع وانا ارش....
ثاني يوم ابي ارش بنفس الوقت ماقدرت كل شوي انشغل بشئ تافه واتذكر الوقت وابي اروح وانشغل وهكذا
الين رحت ارش ودخلت لحالي والخوووف كبيررر ورشيت برضو كل مكان بس هالمره من بعيد يعني ماقربت كثير من السرير والزوايا من بعيد ارش وعيني ع الباب عشان لو زاد الخوف والاحساس بالاشخاص الللي حولي انحاش
من الغرفه(( اهرب يعني))
المهم قالي عقلي سبحان اللله قربي من مكان الرخام بالارض اللي شفت عليه الرؤيا ان الاوراق بنفس المكان
ويااااااااااااااريتني ماقربت... قعدت ارش.. وشوي وكأن احد مسك اصبع رجلي اليسار الاصبع قبل الصغير
واحساس بكهرب خفيف فيها.. فكرت انه من طرف الشرشف الللي ع السرير.. شفت رجلي لقيتني بعيده عنه
مت من الخووف وانحشت عند الباب بس رجعت لفيت بقوة وحقد... لان المرش مليان مويه لنصه تقريبا..(( كنت اعبي واذا فضى اعبي ثاني))
المهم التفت وفتحت المرش وكبيت المويه من بعيد ع نفس المكان من بعيد وانا العن واشتم من غير شعور\
الآن ظهر على نفس المكان ف الرخام( هو لونه بيج)) ظهر عليه لون اصفر نحيف وطويل نوعا ما زي شكل الحيه او الثعبان
ويوم اتصلت ع الشيخ اللي يفسر احلامي ويساعدني برأيه قالي ليش يابنتي تسوين كذاا..
هذي اشياء يبيلها شيخ متمكن.. ابعدي عشان ماتنضرين...
والله المستعاااان وحسبي الله على من ضرني.. ان الله منتقم جبار وهو قوي على كل قوووي
|
|
التعديل الأخير تم بواسطة غيداء1 ; 28-Sep-2010 الساعة 03:05 AM
|
|
|
|