اسمعيني اخت انا اول مره اتكلم بصراحه بس احمدي ربك انكي سليمه معافاه واسمعي قصتي ترى مافي الدنيا مرتاح حنا اربع اخوان جينا للدنيا وكانت امي وابوي كبار بالسن وكانت امي دائما مريضه وابوي مشغول واخواتي الكبار متزوجات وطبعا مافي البيت شغاله كان عمري 9 سنين مهتمه بأخواني الي اصغر مني دائما في المدرسه افكر فيهم وكانت اختي الصغيره معي في نفس المدرسه دائما تبكي ما تبي المدرسه وكنت ادرسها طبعا امي الله يشفيها مافي يدها حيله كانت دائما تقول اهتمي باخوانكي ومرت السنين وانا متحمله المسؤليه ماعمري شكيت لاحد وكان ربي بفضله غامرني وراحمني لاني من كنت صغيره ما اترك صلاة الليل وادعي لمي ودمعي علي خدي وكنت اجيب اعلي الدرجات وبكذا لين تخرجت عمري مافقدت الامل طبعا الخطاب ذا جاي وذا رايح وانا كنت ارفض بسبة الدراسه كنت ابي اثبت للناس ان عمر المشاكل ماتاثر فيني وانا الان عمري 29 وماتزوجت لسبب واحد لاني ابي اكون قريبه من امي وابوي لانهم كبار في السن ومتعلقين فيني بشكل كبير حتي اخواني وعلي فكره كنت ابي اكمل دراستي العليا بس تركتها علشاني اول مره بعمري اشوف دمعه ابوي يوم قلت له اني بعد كم يوم مسافره وطلع حجزي
شوفي انا حبيت الحياه مع اني كنت متحمله مسؤليه اكبر من حجمي مادعيت علي نفسي بالعكس كنت دائم ابكي ودموعي علي خدي بس مش عند احد بيني وبين ربي بس
وكنت اعيش علشان بكره واعرف ان ربي مخبيلي شىء حلو ان بعد العسر يسرى ان بعد العسر يسرى
كنت دائما ادعي واقول اللهم اجعلني في عيني صغيرا وفي اعين الناس كبيرا
والدليل حياتي الان
تغير كبير كبير كبير
معليش كثرت عليكي بس علشان تعرفين ان مافيه احد مرتاح
وعمرك في حياتك لاتدعين علي نفسك وابوك وامك ما يهاوشونك الي لانهم يحبونك حب ماتعرفيه ومارح تعرفينه حتي تفقدينهم الله يحفظهم لكي وانت انسانه من داخلك فيه شىء حلو دوري عليه في زواياك
وبعدين لو مافيه احد يحبك كان ما شفتي احد رد عليكي........................................