19-Mar-2009, 05:58 PM
|
رقم المشاركة : ( 5 )
|
|
عضو موهوب
|
اقتباس:
اذا ما انقبلت في الجامعة شوفي لك معهد و الحين فرص التعليم و التدريب كثرت بالنسة للبنات شوفي اللي يناسبك و بعدين اذا ما حصلك الجامعة مهوب اخر الدنيا
أختي أم عبد الله أهلي منعوني حتى من المصروف ومن قبل قلت لهم أدخل معهد رفضوا
بس أنا دخلت معهد دراسات قرآنية وقلت لهم مالكم دخل فيا وأنا أدبر حالي وأدفع مصاريف المعهد
كان على أساس أبيع الذهب اللي باقي عندي وأدرس
وسجلت بالمعهد داومت شهر ما قدرت أتحمل كنت أتعب كثييير لأن كان عندي في اليوم 4 محاضرات
وكلها قرآن وتفسير وسيرة ومع المرض الروحي كنت أتعب مررره
وغير أخواني رفضوا حتى يودوني بس المعهد كانوا موفرين مواصلات بس كنت أوصل للبيت وأنا تعبانة مرره
وهم أساسا كانوا يأمنوا كل وحده انهاتحضر وتقرأ الجزء المقرر من الحفظ أو التلاوة مع شيخ
أنا كنت إذا رجعت أنام وما اصحى من التعب وإذا صحيت أحس جسمي مكسر وتعبانة كنت أصحى بس أجلس ساعتين
وارجع أنام يعني ما أكون صاحية إلا الوقت اللي اكون بالمعهد وساعتين بالليل بس
وكل اليوم وأنا نايمة حتى لو أحد صحاني ماكنت أحس بشئ تعبت كثييييييير من المعهد ماقدرت أكمل وانسحبت
هذا غير الحفظ عندهم كان كثير في اليوم كنا نسمع 4صفحات مع اني حافظة للقرآن بس مع المرض صرت انسى وما أركز ولا اقدر احفظ
ومادة التجويد عندهم كان يبالها تركيييز وانا ما اقدر أركز أبد تعبت مره من التجويد
اقتباس:
على كل من يجرح مشاعرك و على قول الاخوان و الاخوا الزمن هذا زمن القصص العجيبة فلا تنتظرين الحب من احد فقط ادعي انه ربي يعوضك برجل صالح و تعيشين باقي ايام عمرك سعيده بعدين النت مليان مواقع عن التنمية البشرية طوري نفسك تعرفي على انماط الشخصيات يمكن تقدرين تعرفين طريقة لتعامل فيها مع اهلك بدل الاستسلام
أنا ما انتظر الحب من أهلي إذا بصغري ماشفته منهم يعني هالحين راح أشوفه
أما عن طريقة التعامل معهم أخوي الكبير والله أحس انه مريض نفسي من كثرة الشك اللي فيه حتى زوجتة آخر مره كلمتني كانت تشتكي منه
وبعدين إذا خرجنا نتمشى يجلسنا في مكان بعيد عن الناس وفي ظلمة ولوكنت أنا وإلا وحده من أخواتي معاه بس لو إلتفتنا يمين ولا يسار
يقول تنتطروا مين وتدوروا على مين ( يقولوا اللي يسوي شئ غلط يشك حتى باللي حولينه إنهم مثله )
وأمي أبد ماراح يتغير تعاملها معانا حاولنا كثير مافي فايدة هي من زمان كذى حتى أخواتي المتزوجات قالوا لنا ان امي كانت تعاملهم بنفس الطريقة قبل يتزوجوا
اقتباس:
كل انسان له مواهب حلوة بس الشاطر اللي يكتشف ايش هي
صحيح كانت عندي مواهب بس مع المرض نسيت كل شئ
كنت انسق حفلات من عمري 13 سنة كانت وحده من معلماتي دايم تقول لي ياليتك كنتي بنتي .
هالحين لو بدأت في الشغل اتركة في النص وما أقدر أكمل.. الله يعين
اقتباس:
اذا احتجت اي مساعدة انا في الخدمة و ابي اسمع منك اخبار حلوة انشاالله تحياتي
مشكووورة حبيبتي أم عبدالله الله يخليلك بناتك ويسعدك ياااارب والله انكم حسستوني بأن عندي أخوات يقوفون معي سامحيني طولت عليك بس أنا مالي أحد غيركم والله إني ماكتبت لكم اللي أنا فيه إلا لما تعبت كثيير وما قدرت أتحمل التعب اللي أنا فيه
لااحتجت لهم الله لايحرمني منكم ..
ادعولي ربي يحقق لي اللي أتمناه
|
|
التعديل الأخير تم بواسطة الأمل الظامئ ; 19-Mar-2009 الساعة 06:02 PM
|
|
|
|