بارك الله فيك اخوي الباحث لقد قرات ما كتبته اكثر من مره جزاك الله خيرا
والمعالجه خبيره بالشغله فعلا تحظر علاجاتها من كل مكان وذكرت انها تحظرها من المغرب
ومن محلات عطاره (لا تملك محل عطااره)
اقسم بالله اني شاكه فيها وخايفه منها بس من كثر ما سالنا وبعد صلاة الاستخاره ذهبنا اليها(الله يتوب علينا)
اما حليب الحماره قالت لا يلمس اليد ويوضع في علبه زجاج بعدين له طريقه بالاستخدام يحط مع حبات الرشاد ويتبخر فيه المريض
وفعلا طلبت مني ايضا مشيمة حماره دون لمسها باليد ويفضل ان تكون الحماره بكر (حسب كلامها)قلت لها طرار ويتشرط ضحكت!!
قلت من وين نجيبه قالت شوفي المزارع اللي حولكم اكيد فيها
فعلا فيها حمير وديرتنا فيها بس زوجي حلف ان مايجيب لا حليب ولا مشيمه واذا قلت له عصب الله يجزاه خير الحمدلله انه ما طاعني (بس المعالجه كانت حريصه جدا عليه)
اما الفاس نصحة اختي فيه لانها تتعالج من السرطان شفانا الله واياكم
واستخدمت علاجات كثيره مدري وش اذكر منها وزوجي يقول اخاف تضرين بنتك انتبهي قلت له انا سالت مشايخ ومتوكله على الله ومجهده والمعالجه مافيه شي يخليني اشك فيها الا علاجاتها وسالت عنها
الله يعافيك يالباحث من جد وش اسوي استخدمنا كثير من علاجاتها
اختي نفس الشي استخدمة كثيرمن علاجاتها ومن كثر خوفها ما تستخدم العلاج الا بحظرة زوجها (امام وخطيب)لان علاجاتها تخوف
واغلبها بخور ونشوق
مثلا قالت لاختي تجيب قطران الاسود (القار) من الصيدليه وتحط قطرات منه في شاش بعدين تشعله بالنار وتطفيه وتتنشق الدخان
وانا استخدمت بخور مكوناته ورد صغير جدا وكسر كانها زجاج وحبيبات صغيره و.. تقول انها من جبال بالمغرب الملعقه الواحده ب400ريال عطتني ملعقه واحده وقالت بخري بنتك ثلاثة ايام متتاليه
كبت الملعقه على راحت يدها قالت شوفي وش عندهم اشياء مهيب عندنا وفصلت وسولفت اقصد انها ماخافت واضحه وصريحه
لاحظ اخوي انها تقولي ولاختي اقراو الاذكار دايم وسمو قبل اي شي وتقول لنا سور من القران نقراها ونكررها وما تتكلم الا قال الله وقال الرسول صلى الله عليه وسلم
اسفه طولت عليك بس تفاجاة بكلامك وانا اقتنعت فيها بصعوبه لاني خايفه بعدين اعجبتني اخلاقها واحترامها ودينها تخيل انها تتصل علي اثناء العلاج تسال عن اخبار بنتي
واحيانا تقول اقري في مويه( وتعلمني الايات )وشربيه بنتك >> اشياء كثيره خلتني ازيل شكي فيها
جزاك الله خير الحين احاول اجاهد نفسي عشان اغير راييي فيها
-اختي بعد ماقلت لها عن كلامك وكلام الاخوه ضاق صدرها وندمة انها راحت لها
|