دار الرقية الشرعية - ياشاربين التتن بالله على الهون..ترى الليال السود..

لكل مدخن بحجة ظروف الحياة

ياشاربيـن التتـن بالله علـى الهـون

اليـا متـى والنفـس تتبـع هـواهـا

اليـا متـى بالحـال والمـال تقنـون

المهلكـه.. سقـم القلـوب وبـلاهـا

ياشاربين التتـن لـن كـان توحـون

تـرى الليـال السـود يـدرج رحاهـا

وترى العمر لو طال ماهوب مضمـون

لابـد فـي ساعـه تلحـف ثـراهـا

يغويكـم الشيطـان وبليـس ملعـون

يمشـي مـع العالـم ويبحـث خفاهـا

وبعض العرب حبله مع أبليس مقـرون

مطيـة لبلـيـس يـركـب عـلاهـا

ويسوقها,, من دون, في دون, في دون

وليـا حـداه الوقـت ..يمـه حداهـا

ياشاربيـن السـم وش تستفـيـدون

من سلعـة للنفـس تجلـب غثاهـا,؟

كود الوهـن والهـم والغـم وغبـون

والعلـه اللـي مـا عرفنـا دواهــا

اخذوا العبر من نـاس فيهـا يعانـون

وبين الحيا والمـوت يومـي رشاهـا

كم واحـدن همـه فالأضـلاع مكنـون

ومن زايـد الجلطـات زايـد.. عناهـا

لو تجلـط قلـوب البعارين..مـن دون

شكـه تبـا ترثـع,, ويلعـن ثـواهـا

وترى الحياة دروس وعلـوم وفنـون

ومـن لا تغداهـا بيمسـي عشـاهـا

والكيف ياهل الكيف ماهـوب غليـون

ولا سقـارة سـم تـونـس شقـاهـا

الكيف واهل العـرف لا شـك يـدرون

بريـة للنـفـس تــروي ضمـاهـا

في دلة تجدى علـى الجـال بالهـون

مـن وارد البـغـداد قــرم قنـاهـا

وبهارها المسمار.. والهيـل مـوزون

واحلـى مـن البيـر المسمـاه ماهـا

وياما حلا المجلاس, مع جـرة لحـون

يطرب لهـا المهمـوم لا مـن حداهـا

فـي مجلـس فيـه النشامـا يهـدون

مثل الحرار اللي هـوت مـن سماهـا

مقعادهم عـن سكـة النقـد مصيـون

ماكر حـرار القـوم.. واللـي لفاهـا

هذي غناة الروح,, والـروح بالشـون

كلـن يـدور فـي حيـاتـه غنـاهـا

وختامهـا تكفـون, تكفـون, تكفـون

تـرى الليـال السـود تـدرج رحاهـا

وسلامتكم

منقوووول