قصتي اللي اتعبتني ولا عرفت ماهي.. تفضلو اقرؤ وادعولي ..
 

السلام عليكم ورحمة الله وبركاتة




معلومات عني : ذكر / 26 سنة

مشكلتي او حالتي بدأت منذو خمس سنوات وكنت وقتها في رحلة برية مع الاصدقاء

وبعد ان رجعنا من هذه الرحلة وذهبت الى البيت لكي انام حصل معي شعور غريب

وهو عندما احسست بالنعاس وبدأ النوم يداعبني فجأة جاني خووووف شديد و واحسست بتسارع نبضات قلبي وفي وقتها توقعت اني لدي مشكله في القلب وذهبت للطبيب اشرح له حالتي او ما اصابني فبدأ الطبيب يفحصني ويسوي لي تخطيط قلب وغير ذلك من الفحوصات وتفاجأت بقوله لي انت مافيك شي سليم وصحتك ممتازة اطمئن قلبي من كلام الطبيب فذهبت الى البيت لاكن احس بخوف لاكن لا ادري من ماذا وبعد ذلك استمر هذا الخوف والقلق ومعه قلة في النوم او بالاصح لا احس بطعم النوم انام ولا كأني نمت استمرت مع هذه الحالة اسبوعين ثم ذهبت من نفسها وبعد ذلك مضت الايام واتوقع اني اخذت سنة او سنة ونص وفجئة جتني نفس الحالة الاولى من خوف وقلق وعدم راحة بالنوم والخوف من الموت وكانت اشد من الاولى وكانت في فترة الاختبارات النهائيه وبعدها استمرت الى يومنا هذا لاكن تطورت هذه الحالة الى خوف من الموت والتعلق بالاحلام والكوابيس صار مشكله كل حلم اشوفه ع طول اقول هذا دليل اني بموت ويصاحبها وساوس وافكار تشاؤميه مع انني اعلم انها
اوهام لاكن لا اقتنع لماذا لا ادري وطول هذه الفتره بحثت عن العلاج في كل مكان من زيارة مشائخ الرقية الشرعية و الاطباء النفسيين وتهت بينهم كل دكتور او شيخ يشخص حالتي واحد من المشائخ يقول انت مصاب بالعين والاخر يقول انت فيك مس

والدكتور النفسي يقول انت مصاب بالاكتئاب وآخر يقول مصاب بالقلق وصراحه انا تعبت من حالتي كل شوي يصوفون لي شي او يحطون فيني حالة ولذلك انا مدري حالتي نفسية او عين او غير ذلك ؟
ارجو منكم مساعدتي ابي العلاااااااااااج والله تعبت كرهت كل شي كرهت حالتي اللي انا فيها مدري وش اسووي ؟

والله العظيم اني تعبت وعانيت معاناه لا يعلمها الا الله صرت اسير احلامي واوهامي // تكفون ادعو لي بالشفاء

بعيطكم مثال مثلاً تحلمت بسياره بالمنام يصير عندي خوف منها واتوقع اني اموت بسياره
ومره تحلمت حلم مدري وشهو لاكن فيه رقم مثلاُ 18صرت اكره تاريخ 18اقول بيجيني شي او اقول بعد 18يووم بيجي شي او 18شهر واستمر ع هالحاله

فأكره السياره ولا اركبها والله حالتي صعبه ارجووو منكم مسسسسسسساعدتي بعد الله

الله يجزاك خير اخوي ع الرد

وعن نفسي والله صابر متوكل ع الله والحين لي 3 ايام ماشي على برنامج علاجي بالرقية والاعشاب وان شاء الله تكون سبب بالشفاء بأذن الله

السلام عليكم ورحمة الله وبركاته

حالتك وجدته عند الاخ ابومشارى فأستمر وستجد خير بأذن الله

انا يا اخي لست باحسن منك حالا انا اشكو من نفس الاعراض وزيادة شوي انا فقدت احساسي بنفسي وبمن حولي والخوف مايفارقني وبالنسبة للمشايخ والاطباء كانك تتكلم عني نفس ماقالولي بالضبط والحين انا اخذ علاج الاكتئاب والقلق ويوم احسن ويوم لا لكن اسال الله العلي العظيم ان يرفع ما حل بنا ويجعل ما اصابنا تكفير لذنوبنا

ان شاء الله بستمر .. الله يجزاك خير ع كلامك الطيب اللي يشجع

وعليكم السلام ورحمة الله وبركاته

ان شاء الله بستمر

الله يجزاكم خير

ام ياسمين والله اني جربت هالشعور اللي هو ماتحس باحد وتحس كأنك في حلم لاكن ماقول الا الله

يشفينا لاكن اذا تبين النصيحه انصحك العلاج بالرقية اما الادوية النفسيه مهدئه فقط تعالج الاعراض فقط وليس المشكله من جذورها

القرآن الكريم وخصوصا آيات العذاب سوف تدحر هذا المس لديك.

الله يجزاك خير

صدقني والله مادري وش حالتي هي عين او مس او مرض نفسي
انا اكثر مايزعجني هالكوابيس والاحساس بالخوف والوساوس ورب البيت لعبت فيني انا اخاف
اوصل مرحلة الجنون من اللي يمر علي . ماقول الا الله يعين

اخوي انا لي سنة على هذي الحالة وخايفة تطول واخسر زوجي واولادي لاني بديت اكرهم ولا عاد احس بام ولا ابو ولا اي شي غير خوف وقلق وهم مادري وش هذي الحالة الغريبة احيان اقول سحر واحيان مس واحيان حسد وارجع واكذب هذا الكلام واقول شفنا ناس كثير فيهم مس و.... لكن ماوصلوا لهدرجة مع ان امي مرت بنفس الحالة تقريبا وهي صغيرة واشد شوية وقرا عليها الشيخ وسبحان الله من مرة وحدة رجعت طبيعية وكانة مامر علية المرض ما شاالله لاقوة الا بالله وقال ان اللي فيها نظرة وان شالله يجي اليوم الي نتشافا فية

ام ياسمين توكلي على الله واصبري والله اني اعرف وش تحسين فيه حياتك كلهم خوف في خوف
وبسبب طول فترة هالحاله جاك حزن وكرهتي كل شي والله اني ادري وش تحسين فيه لاكن مافي يدي
الا ان ادعي ان ربي يشفينا

وعلى فكره انتي قلتي امك مرت عليها هالحاله وامي كذلك مرت عليها نفس الحاله وما تشافت الا بعد الله ثم الرقيه الشرعيه وصلاة الضحى هذا كلامها لي والحين مافيها الا العافيه

تحياتي للجميع

أخي الفاضل ما اصابنا لم يكن ليخطئنا ومع العسر يسر ورب ضارة نافعة

وانا سوف اقدم لك نصيحة اسال الله ان تكون عون لك اصابت ابنتي حالة وسبق وعرضتها بمنتديات

ولدى كثير من الرقاه والجميع يقول عين و مره مس وانا احترت وبقلبي يقولي غير كذا فما كان امامي

غير الدعاء الدعاء الدعاء هذا السلاح العجيب واستمريت مايقارب الشهر وبعدها فتح الله قلبي ودلني

على مرض بنتي وبعد مساعدة الشيخ كان علاجها على يدي بعض ان كانت ابنتي في حالة يرثى لها

فاوصيك بالعودة الى الله والقيام بالاسحار فلة عظيم الاثر واسال الله لك الشفاء العاجل

اصبر ان الله مع الصابرين
الله يشفيك
توكل على الله و ان شاء الله خير

سمو مسلمة الله يجزكِ خير والله يخليك لابنتك واشكرك ع النصيحه
والله اني ادعي وعندي يقين ان ربي راح يشفيني ومتفائل
لاكن الانسان احياناً تمر عليه حالة ضعف مايقدر يسيطر ع نفسه .
سؤال/ الحاله اللي جت بنتك نفس حالتي ؟

في امان الله

اخوي عذابي والله ادري ان فيه كثير مثل حالتي او قريبه من حالتي لاكن بقولك شي الكلام مايوصل الاحساس انت ماتدري وش احس فيه والله حياتي رعب في رعب بعطيك مثال تخيل انا في مدينه واهلي في مدينه تصدق اقعد شهور ماسافر لهم والسبب حالتي ؟ والشي الثاني حتى الوالدة اذا دقت علي ماودي ارد عليها مدري ليش لاكن اغصب نفسي وارد عشان ماكسر خاطرها . لاتلومني والله حالتي صعبه شوي لاكن متفائل وان شاء الله ربي يكتب لنا الشفاء .

واشكرك ع اهتمامك بحالتي الله يجزاك خير

ان شاء الله بصبر والحمدلله على كل حال ومتوكل على الله

الله يجزاك خير

الله يجزااااااااك الف خير صراحه ردودك تأثر علي تأثير ايجابي والله انا قبل فترة تقريباً شهر انتكست حالتي ولا اول كنت اسوي مثل ماتقول الا هو عكس مخاوفي واتجرئ و اواجهها وحسيت بتحسن لاكن
من دق علي خويي وقال لي انه شاف فيني حلم يخوف وتكرر معه وانا من بعدها حالتي من اسوء الى اسوء وبعدها صرت اوسوس بالاحلام وكل حلم افسره انه موت والله بسبب خويي هذا انتكست حالتي
المشكله فسرت الحلم اكثر من ثلاث مرات واحد قالي امراءه تبي تسحرك والثاني قالي تتعرض لمشاكل والثالث يقول تاخذ قرض من بنك ويكون فيه ربا وقبل زواجك تنقص فلوسك وراح يساعدك واحد . مع هذا كله ما اقتنع تصدق بالله اني اخلي المفسر يحلف لي بالله عشان اقتنع . ماقول الا الله يشفي كل مسلم والله يجزاك عني كل خير

توكلت على الله ولا حول ولاقوة الا بالله

ان شاء الله انا بطنش هالافكار والوساوس وبحاول اتغلب عليها بأذن الله

بس بسئل سؤال هل هذي عين او حسد او مس اومرض نفسي والله ماقدر افرق


في أمان الله

والله يا اخي حالة بنتي مو مثلك الا اكثر منك لكن الحمدلله يجعل الله بعد عسرا يسرا

عليك فقط بسهام الليل كلما اشكل عليك امرك وتضرع والح واسكب العبرات على عتبات الرحمان

والله يقول امن يجيب المضطر اذا دعاه ويكشف السوء وقل ادعني استجب لكم مع الاخذ بالاسباب من رقية

وقراءة واجتهاد والله يعينك ويفرج همك

الله يعطيك الف عافيه ع النصائح وان شاء الله استمر ع رقية نفسي بنفسي وبتغلب ع هالحاله
وان شاء الله في يوم من الايام ابشركم بشفائي .. اللهم امين يارب

الله يحفظ الجميع ويستر عليك ويرزقك من حيث ماتوجهت

في آمان الله

الله يجزاكم خير والله شجعتوني ان شاء الله بقوم الليل وبدعي الله وبدعي لك ولكل مريض

الله يتمم على بنتك العافيه ولايريكم مكروه ويحفظكم

في آمان الله

اخوي شلهوم المعاناة الي تمر فيها ما احد يحس فيها الا الي جربها كنت اتوقع ان مافية مثل حالتي لكن بعد ماقريت في النت لقيت حكايات تشيب الراس لكن ما علينا الا الصبر صحيح نقول الصبر لاكن اعرف اذا اشتدت الحالة مانشوف شي قدامنا لا صبر ولا غيرة لكن ربي يثبتنا على طاعتة ويشفيني ويشفيك ويشفي اختي وجميع المسلمين
الرقاة لعبوا بحسبتنا الي يقول حسد خفيف كيف خفيف ماني فاهمة واذا هذا خفيف كيف الثقيل والي يقول مس عاشق ومن زمان والي يقول سحر والله احترنا وناس تقولك مايهم التشخيص كيف مايهم بالعكس هذا اهم شي عشان المريض يعرف العلة ويداويها بدال مايتخبط هنا وهناك زي الي حاصل معنا وتبغى الصراحة اشك انة عين حاسدة لانها اصابتني مباشرة بعد ولادتي الثانية والي ماكان بينها وبين ولادتي الاول فرق ويمكن لاني تزوجت صغيرة ويمكن عشان فية ناس حاطين عينهم على زوجي ويمكن ويمكن لكن كيف اعرف اذا كنت ما اتاثر من الرقية صحيح اني ما عدت اطيق اسمعها لكن اذا سمعتها عادي مايحصل شي ومهما كان السبب الشي الاهم ان هدفنا واحد هو الوصول للشفاء التام باذن الله وان يجعل هذي السنة سنة خير علينا واعلم انة كل ما اشتد الضيق قرب الفرج والمخرج باذن الله وان الخيط كلما شد انقطع وربي يرزقنا الجنة

صدقتي مايحس فيها الا اللي جربها ومثل ماقلتي مافيه الا الصبر لاكن مع هالحاله هذي مالنا الا نتجه لرب العالمين هو اللي بيده الشفاء اما الرقيه والادوية مجرد اسباب , لازم ندعي الله ونقووم الليل ندعيه بأنكسار والالحاح بالدعاء مع الاستمرار بالرقيه حتى لو ماتجيك اعراض , ان شاء الله تنفرج
والله اني خمس سنين مابين رقيه واطباء نفسيين وكل واحد يشخص حالتي حسب مفهومه او اجتهاده
لاكن مع هذا كله وطول المده لن ايئس ومتفائل وان شاء الله ربي يشفيني ويشفي كل مسلم
وانصحك لا يدخلك يئس لانه بيزيد حالتك الى الاسوء خليك دائم متفائله .
اشكرك ع تعليقك / في آمان الله

اخى الحبيب ههذا علاج لمثل حالتك فتوكل على الله واستخدمه تجد اثره وفائدته باذن الله وكذلك من ذكر بانه مثل حالتك http://www.rogyah.com/vb/showthread....841#post254841 عافاك الله وشفاك

الله يجزاك خير ويوفقك دنيا وآخره

بأذن سوف اجرب هذي الطريقة بعد ان انتهي من برنامج علاجي استخدمه حالياً

في آمان الله